Text copied!
CopyCompare
Wolaytta Bible - Leemiso Maxaafaa - Leemiso Maxaafaa 16

Leemiso Maxaafaa 16:9-26

Help us?
Click on verse(s) to share them!
9Asi ba wozanan ba oottanabaa halchchees; shin halchchoi GODAI maaddin polettees.
10Kawoi Xoossaappe ekkido maatan pirddees; pirddiiddi i balenna.
11Yiggiyo meezaanatinne makkiyo miishshati ammanttiyaageeta gidanaadan, GODAI koyees; baizziyooban ubban genee de7ennaadan koyees.
12Kawoti mooro oosuwaa shenetoosona; aissi giikko, eta kawotaa araatai xillotettan eqqees.
13Kawoti xillo inxxarssan ufaittoosona; tumaa haasayiyaageetakka dosoosona.
14Kawuwaa hanqqoi haiquwaa kiitanchchaa mala; shin aadhdhida eranchcha asi hanqquwaa irxxissanau auddashees.
15Kawuwaa som77oi pashkkikko, hegee simmi de7o. I nashshiyoogee badhdheesaa iraa ehiya shaaraa mala.
16Aadhdhida eratettaa demmiyoogee worqqaa demmiyoogaappe keha; akeekaa demmiyoogee biraa demmiyoogaappekka aadhdhees.
17Suureti biyo ogee iiti de7iyoosaappe haahuwaara kanttissees; ba hemetaa naagiya uri ba shemppuwaa naagees.
18Otoruwaa geeduwaa bashshai kaallees; ayyuwaa geeduwaakka kunddettai kaallees.
19Ayyiyaageetuura zuppetidi, omooduwaa shaakki ekkanaappe ashkke gididi, hiyyeesidi de7iyoogee keha.
20GODAA qaalaa loittidi ezggiya urau i oottiyoobai ubbai injjettana; GODAN ammanettiya uri anjjettidaagaa.
21Ba qofan aadhdhida eranchcha gidida asi akeekanchcha geetettees; lo77o qaalai eratettaa gujjees.
22Cincca urau eratettai de7o pultto mala; shin eeyyata seeriyoogee coo wode wurssiyoogaa.
23Aadhdhida eranchcha asi haasayanaappe kasetidi qoppees; qoppidi asi ekkiyo haasayaa haasayees.
24Lo77o qaalai eessaa ililuwaadan mal77ees; bollaakka maaddeesinne pattees.
25Asaassi suure milatiya ogee de7ees; shin wurssettan haiquwau gattees.
26Namisainne metoi asi minnidi oottanaadan giddoosona.

Read Leemiso Maxaafaa 16Leemiso Maxaafaa 16
Compare Leemiso Maxaafaa 16:9-26Leemiso Maxaafaa 16:9-26