Lau Guguya 1:9-18

⁹Beyabeyana somo sa tubu haba sa lau boda fuyo. Dodoga somo beyabeyana sa ginaulidi haba sa ginauli fuyoꞌidi. Tanohi yai hige ginauli hesa falifalihuna.

¹⁰Doga haba sidohana iyen, “Hola au ita! Ite ginauli falifalihuna.” Higeꞌe! Ginauli te, haꞌa beyabeyana amaiteꞌi; ita hola hige ta tubu. In, haꞌa amaiteꞌi.

¹¹Hige gonowana sai laꞌi hiti halo dodogadi i nuwatuhuidi, yo hiti hesa ai mulida sa tubu, ibege hiti ai mulidi sa tubu, ti nuwatuhuidi hinaga.

¹²Yau tanuwaga yo yau beyabeyana Isalaela edi kin, Yelusalem yai.

¹³Sibasiba yoꞌoyoꞌoina yai egu fuya E pei, bena sidohana ginauli mahudoꞌidi tanoꞌubu yai sa tubu te, paꞌana wananahana E yoꞌoi be E sibai. Yaubada mwahu laꞌilaꞌi dodoga lisidi yai ya tole.

¹⁴Ginauli mahudoꞌidi sa ginaulidi maihala yai haꞌa E itadi, mahudoꞌidi hige aniyodi. E tafotafo watanidi, mate hige aniyodi, doha hwayau E tafotafo watan.

¹⁵Somo haꞌa sa filisi hige gonowana ti fadudulai fuyoi. Somo hige amainiya, hige gonowana ti fatili.

¹⁶Nuwagu yai yawa, “Yau E sibasiba wananaha, habahim kin hahaisa beyabeyana haꞌa Yelusalem yai. Ami ita! Yau sibasiba yo sonoga haꞌa E abidi.”

¹⁷Sibasibana ena aba laoma somo yai, yo laulau yauyauledi E anpate bena E yoꞌoidi. In moho, E lobahi mate doha hwayahwayau E weꞌaweꞌai.

¹⁸Sibasiba ya ouli, mate nuwa dubu hinaga ya laꞌi wananaha. Sibasiba ya laꞌi wananaha, mate nuwa heyaya hinaga doha.