Lau Guguya 1:5-11

⁵Maihala ya kepa na ya sina ee–, ya bulu na feula ya fuyo ena aba kepama yai be haba bobon ya sina boda.

⁶Hwayahwayau ya towa hasa na ya bui be ya towa lidi, ya taꞌitaꞌiꞌili be ya fuyo ena aba towa bwaꞌibwaꞌina yai.

⁷Hoꞌowa mahudoꞌidi sa didi lidi be gabogabo yai sa pei taluhidi. In moho gabogabo hige i mohafu. Haba sa fuyo ai ulu be ainiya sa didi fuyo lidi gabogabo.

⁸Haba sai somo ya libaen? Ginauli mahudoꞌidi tanoꞌubu yai nenedi eseꞌesegadi, hige ti buidi, yo sa fakamna heyaheyaya. Ginauli boludi te itadi yo liba hudohudoꞌi te atahiyedi in moho hige gonogonowada. Te gado bena te itaꞌita, yo te ataꞌatahi ya laulaui moho.

⁹Beyabeyana somo sa tubu haba sa lau boda fuyo. Dodoga somo beyabeyana sa ginaulidi haba sa ginauli fuyoꞌidi. Tanohi yai hige ginauli hesa falifalihuna.

¹⁰Doga haba sidohana iyen, “Hola au ita! Ite ginauli falifalihuna.” Higeꞌe! Ginauli te, haꞌa beyabeyana amaiteꞌi; ita hola hige ta tubu. In, haꞌa amaiteꞌi.

¹¹Hige gonowana sai laꞌi hiti halo dodogadi i nuwatuhuidi, yo hiti hesa ai mulida sa tubu, ibege hiti ai mulidi sa tubu, ti nuwatuhuidi hinaga.