LAASUUDEE 6:1-7

¹Ma nↄ̀sɛyakayã è anduna guu dↄ kɛ̀ ↄ tↄ̃̀ gbɛ̃nteenↄa.

²Luda gbɛ̃ kà ↄↄdaaa à à gbà auziki kↄ̃n bɛ̀ɛo, à pↄ́ kɛ̀ dɛ àgↄ̃ à nii dɛɛ píngi vĩ, ben Ludaa e à gba zɛ́ à aufãni kɛ̀oro, gbɛ̃ pãnde bé à gↄ̃̀ vĩ. Beee nɛ́ yã pãamɛ, nↄ̀sɛyakayã pãsĩmɛ dↄ.

³Tó gbɛ̃ nɛ́ ì mɛ̀n basↄↄro, ben à zi kũ̀ kótokoto, baa kↄ̃n à gìkɛnao, tó èe pↄnnaa kɛoro, tó à gà, tó à vĩina kpedanaro, ma bè nɛ́ kɛ̀ wà ì gɛ̀ ũu sã̀ↄ dɛàla.

⁴Zaakɛ nɛ́ pì mↄ̀ pãmɛ, ben à tà gusiaan, à tↄ́ gↄ̃̀ gusiaan.

⁵Baa kɛ̀ èe ↄfãntɛ̃ ero bensↄ̃ à yãke dↄ̃ro, à mɛ̀ kpaɛna dɛ auzikidee pìla.

⁶À dɛ gbɛ̃ kɛ̀ kuu wɛ̃̀ bↄrↄ plaa pↄnnakɛsaila. Aↄ̃è gá gu dↄ̃nkↄ̃ ń pínginloo?

⁷Gbɛ̃ntee ísimma kɛ̀ à gà èe kpaa, lɛ à pↄ́ e à da lɛ́n yãnzimɛ, mↄde à gbɛɛɛ è kãro.