Text copied!
CopyCompare
Luda yã takada kↄ̃n Bokobaru yão - LAASUUDEE - LAASUUDEE 2

LAASUUDEE 2:1-14

Help us?
Click on verse(s) to share them!
1Má ò ma zĩndanɛ: Ǹ fɛɛ ǹ pↄnnakɛna yↄ̃ ǹ gwa ǹ nnamana dↄ̃, ben má è beee nɛ́ pãamɛ dↄ.
2Má è kɛ̀ yáadↄna nɛ́ yↄ̃nkↄyãmɛ. Pↄnnakɛna sↄ̃, bↄ́n wè ea?
3Ma pↄnnaa wɛ̀tɛ wɛ̃mina guu ma ↄ lìga mìsaiyãzi, mↄde ma swɛ̃̀ e dↄↄmɛ aɛ ↄ̃ndↄ̃ↄ guu lɛ mà dↄ̃ yã kɛ̀ maa gbɛ̃nteenɛ à kɛ anduna guu a wɛ̃̀ndi zaka lɛ́n.
4Ma zĩ bítanↄ ↄↄ kpà, ma kpɛ́nↄ bò ma zĩndanɛ ma geepi línↄ pɛ̀pɛ kpɛ́tɛkpɛtɛ.
5Ma karanↄ kpàkpa ma swa dàkonↄ kɛ̀kɛ ma lí kɛ̀ wè à nɛ́ ble bori sãnda píngi bàban.
6Ma íkakiinↄ kɛ̀kɛ aↄ̃gↄ̃ mↄdↄ pisi líkpɛ pìnↄa.
7Ma zↄ̀nↄ lùlu gↄ̃gbɛ̃nↄ kↄ̃n nↄgbɛ̃nↄ, wà ń kenↄ ì ma bɛ. Má zùnↄ kↄ̃n pↄ́kãde ketenↄ vĩ paripari dɛ gbɛ̃ kɛ̀ aↄ̃ↄ kú Yerusalɛmu ma ãanↄla ń píngi.
8Ma kondogi kↄ̃n vurao kàkↄ̃amazi kↄ̃n kínanↄ auzikinↄ kↄ̃n ń bùsu pↄ́nↄ. Ma lɛ̀sirinↄ sɛ̀ gↄ̃gbɛ̃ kↄ̃n nↄgbɛ̃nↄ, ma nↄgbɛ̃ kɛ̀ gↄ̃gbɛ̃ è lugańzinↄ sɛ̀ pari.
9Ma tↄ́ bↄ̀, má bíta dɛ gbɛ̃ kɛ̀ aↄ̃ↄ kú Yerusalɛmu ma ãanↄla ń píngi, ben má kpɛ́ ↄ̃ndↄ̃ↄ vĩ à píngi guu.
10Mɛ́ɛ gí ma zĩndanɛ kↄ̃n pↄ́ kɛ̀ ma wɛ́ɛ blèoro. Mɛ́ɛ pↄ́ kɛ̀ ma pↄↄ gbà ke tóro. Ma pↄↄ kɛ̀ nna ma zĩkɛna píngia, àmbe ma ísimmagaakpana píngi láada ũ.
11Kɛ̀ ma wɛ́ɛ tɛ̀ yã kɛ̀ má kɛ̀nↄzi píngi kↄ̃n ísimma kɛ̀ má gà má kpào à musu, má è à píngi nɛ́ pãmɛ, pɛna gukoriamɛ, à àre vĩ anduna guuro.
12Ben ma laasuu tà ↄ̃ndↄ̃ↄ kↄ̃n yↄ̃nkↄkɛɛo kↄ̃n mìsaikɛɛo kpa. Yã kɛ̀ wà kɛ̀ zaa zii baasiro, à kpareen kína gɛ̃ɛbleri é kɛ dↄↄ?
13Má è ↄ̃ndↄ̃ↄ àre vĩ dɛ mìsaikɛɛla lán gupuraa ègↄ̃ àre vĩ dɛ gusiaala nà.
14Ɔ̃ndↄ̃dee wɛ́ɛ ègↄ̃ kú a aɛ, yↄ̃nkↄↄ ègↄ̃ lili oo gusiaan. Ben má è góro dↄ̃nkↄ̃ bé eé ń bikũ ń píngi.

Read LAASUUDEE 2LAASUUDEE 2
Compare LAASUUDEE 2:1-14LAASUUDEE 2:1-14