LAASUNDE 10:9-19

⁹Gbɛ̃ kũ àtɛn gbɛ̀ wí, gbɛ̀ ni a kĩnna, gbɛ̃ kũ àtɛn yaka para, yaka ni a kari bo.

¹⁰Tó kpása lɛ́nnaro, akũ odi a lɛ́ kɛkɛro, sé ǹ gã̀sãwa boboi kũ gbãnao, ama ↄ̃ndↄ̃ dì tó ò zɛ́ lemɛ.

¹¹Tó mlɛ̃̀ bon'ã kɛ̀ a kↄ̃kↄ̃'oriinɛ à a sò, à àre vĩ a gũn doro.

¹²Ɔ̃ndↄ̃ri lɛ́gbɛ nna, ama yↄ̃nkↄ lɛ́ dì a kakatɛmɛ.

¹³Àdi na yã'onaaa yↄ̃nkↄyↄ̃nkↄ, àdi a mì dɛ kũ mìsariyã vãnio,

¹⁴zaakũ yↄ̃nkↄ dì yã bↄtɛmɛ. Lákũ gbɛ̃ke yã kũ ani su dↄ̃ro nà, dí mɛ́ ani fↄ̃ à yã kũ ani kɛ a kpɛ onɛɛ?

¹⁵Yↄ̃nkↄ zĩ dì a kpasamɛ, ari se àdi zɛ́ dↄ̃ gɛna wɛ̃tɛ gũnlo.

¹⁶Waiyoo bùsu kũ a kína de kɛfɛnna ũ, a ìbanↄ dìgↄ̃ pↄ́ble gbɛ̃ zaa kↄnkↄ.

¹⁷Mìnnaden bùsu kũ a kína de kínanɛ ũ, a ìbanↄ dì pↄ́ ble a gↄrↄa gbãnakarana yãi, adi kɛ wɛ̃dɛna yãinlo.

¹⁸Tó gbɛ̃ ma'ã vĩ, a kpɛ́ líkↄ̃kũnↄ dìgↄ̃ sikũnamɛ, tó àtɛn gwa kũ wɛ́o, a kpɛ́ ni í bo.

¹⁹Òdi pↄ́ble zↄ̃kↄ̃ kɛ pↄnnakɛna yãimɛ, wɛ̃mina dì su kũ yáadↄo, ama ↄgↄ mɛ́ àdi su kũ a pínkio.