La Bu 55:1-12

¹tumging to thoa sah dia asem la Vo Pathen ka taonaneingaipeh in, panpi ngehna ka taona neigelkhoh peh’in!

²Lungset tah in ka taona neingaipeh in lang neihin donbut teijin, ajeh chu kagimnan eihin lonvuh tan ahi.

³Ka galmite’n eisamseu vin, eigihna’u hi akithong leu jeng’in ahi. Aman boi na eilhunkhum sah un lunghang tah’in eihin delkhum taove.

⁴Ka lung aphul lap lap jeng’in thina gimneitah hin eihin nokhum tan ahi.

⁵Tijatna le lunggimna’n eilonvuh tan kithing louvin ka umthei poi.

⁶Oh, vakhu bang’a lhaving nei hitave leng o keima lengdoh ingting ga kicholdo tang’e!

⁷Keima gamlatah in lengdoh ingting gamthipnoi olnamun gabel tang’e.

⁸Hitobangkivetdatonahuipi kinunglah a konhin gangtah in gamlatah a jammang tang’e.

⁹Pakai amaho hi kisuhmosah in lang athilse gon’u jong hi suhmopeh jeng tan, ajeh chu athilgon’u hin khopi sung’a thilse tamtah asodoh sah ding ahi.

¹⁰Akulpi bang’u jong galmi’a kon’a hoidohna ding’a asun ajan a anga’u ahi, ahinla akhohpentah chu khopi sung’a chonsetna ho hi ahi.

¹¹Thil jouse hi asegam’a ahitai, kailhang jeng’a jong kigihna le kijoubolna adimlha tan ahi.

¹²Ka dougal’in eitaitomna jong ahipoi hichu ka doujou thouve, kiletsah tah’a eijumso jing’a kakidoupipa jong ahipoi, amaho a konchun aki seldoh theinan ahi.