La Bu 144:2-15

²Amahi eipanpi phapen leh kakulpi ahin, kahoidohna pal leh eihuhdohpa ahi. Chitin namtin anoijah akunsahji ahi.

³O Pakai, mihem hi ipi hija hibanga nagel-lut’a, mihem chapa jeng jong ipi hija hibanga nakhohsah hitam?

⁴Ajeh chu mihem hi hai khatseh’a hing ahibouvin, ahin-nikho jong nisa-letobangamangpaithei ahibouve.

⁵Pakai vanho hinhong in hung kum lhan, molsang hohi tham’in lang meikhun len mangsah in.

⁶Kehchang len-dohsah inlang galmite thejalsah in! Nathalchang kap inlang jamsah soh hel in.

⁷Vanna kon’in nakhut hin lhang in, twithuh lah’a konleh kagalmite thaneina’a kon in nei huhdoh in.

⁸Akam’un jou jeng aseijun, thudih kaseije atiuvin akihahsel un, hinlah jou jeng aseijun ahi.

⁹O Pathen, na henga lathah khat sange; selangdah jangsom kibut chu mangchan na vahchoila sange.

¹⁰Ajeh chu nangman lengho galjona napen! Nalhacha David jong athi nading chemjam’a kon in nahuhdoh jin ahi.

¹¹Neihuhdoh’in! Kagalmite thaneina’a kon’in neihuhdoh’in, akam un jou jeng aseijun; thutah kaseiding ahi tin akihahsel-un, hinlah jou jengseh aseijun ahi.

¹²Kachapateu akhandon laijun thingphung phatah bang in khanlhit sah in, kachanuteu jong leng inpi jemhoi dinga kisem khompi hoitah ho bang u-hen.

¹³Kachangpang jouseu jong lousoh jouse pum’in dimsoh hen, kalou jaova kagan chateu asang sang in, sangsom som chan geijin pung hen.

¹⁴Kagancha teu gai pha hen, veiset le apengsol um hih hel hen! Ka khopi sung jenguva jong lunggim khoisat beihel hen.

¹⁵Hitobang thilpha achunga lhung ho kipah uhen! chule a-Pathen’u Pakai hikha nam mite chu kipah cheh’u hen!