Làasoode 5:4-11

⁴Lɛkɛa Luawa sai maa dɛ a kɛawà fĩabosaia.

⁵Ńsu to n lɛ́ n dayãuo. Ńsu o sa'onaɛ n zã lɛkɛawaɛo. Ń ye Lua pↄ panzi n yã́pi yã́i, i zĩ pↄ́ ńlɛ kɛ bãdɛ yã̀?

⁶Nana dasi oa ń yã́ dasi bↄlɛao ì mↄ́ ń yãpão. A yã́i tò ǹyↄ̃ Lua vĩa vĩ.

⁷Tó ń è wàlɛ gbãamↄ taasideↄnɛ guei, wàlɛ gínɛ́ ń yã́zɛdeo, wàlɛ yã́gↄ̃gↄ̃nɛ́ a zɛ́wao, ńsu to yã́pi dimao, asa bùsupi gbãadeↄ lɛ́ wɛ́tɛkↄ̃iɛ, mɛ́ an gbɛ̃zↄ̃ↄↄ lɛ́ wɛ́tɛńzi lↄ.

⁸Ampii aaì bùsupi baa bleɛ, asa kía mɛ́ buaↄ vĩ.

⁹Gbɛ̃́ pↄ́ ye ↄ̃ai lí kã́òo, gbɛ̃́ pↄ́ ye àizɛɛi ài lí mↄ́wào. Beeá pãɛ lↄ.

¹⁰Tó àizɛɛ lɛ́ kã́fĩ, a blenaↄ ìↄ kã́fĩɛ. Bↄ́ ài a vĩ a diiɛi? Aà wɛbiiwà bàasio.

¹¹Zĩgbãakɛna ì i na ma, à pↄblè yↄↄ ge maamaan nò. Ɔde sↄ̃, aà kãa lí tó à i'oo.