Làasoode 4:2-13

²Ɔ̃ ma mɛ̀, gbɛ̃́ pↄ́ gà yãaↄ Lua sáaukɛ̀ dɛ gbɛ̃́ pↄ́ kúↄla,

³ãma gbɛ̃́ pↄ́ wi i yãao, i wɛsi vãi pↄ́ wì kɛ dṹniaulɛo sã̀ↄmá ḿpii.

⁴Má è pↄ́ pↄ́ tò gbɛ̃́ ì zĩkɛ à mɛkpawà, kɛ́ à e àↄ dɛ a gbɛ̃́deela yã́iɛ. Beeá pãɛ lↄ mɛ́ gugiiyaaɛ.

⁵Sↄũ ì a ↄ kpaaũ à ibaba.

⁶Kua ń pↄ́ ↄkũ doo ń sↄ̃daadoũo maa dɛ kua ń pↄ́ ↄkũ plao ń isimagakpaao ń gugiiyaaola.

⁷Ɔ̃ ma ɛa yãpã pãle è dṹnia guu lↄ.

⁸Zĩ̀loe ku, a nɛ́ vĩo, a vĩ̀i ge dãuna vĩo. Aà isima lí bao, kási aà àizɛɛ lí mↄ́wào. Dé yã́i àlɛ zĩkɛii? Bↄ́yãi à pↄnakɛa tɛ̃̀ azĩaɛi? Beeá pãɛ lↄ, bↄↄlɛ pãsĩɛ.

⁹Plaa dɛ doũa, asa an taasi ài aↄ maa.

¹⁰Tó gbɛ̃do lɛ̀lɛ, aà gbɛ̃do a aà sɛ́. Waiyoo gbɛ̃doũna! Tó à lɛ̀lɛ, aↄ sɛna vĩo.

¹¹Tó gbɛ̃ↄn plaↄ wúlɛa gudoũ, aa kↄ̃ pusu ma. Kpelewa gbɛ̃doũna a bↄ ĩ́ana yã́ui?

¹²Wì gbãamↄ gbɛ̃doũnaɛɛ, gbɛ̃ↄn plaↄ sↄ̃ aaì zɛ wà giɛ. Bà nian àaↄ̃ lí kɛ̃́ kpaao.

¹³Ɛ̀waaso ↄ̃nↄna taaside maa dɛ kía zi sↄũ pↄ́ lí lɛdama ma lↄola,