Làasoode 3:5-17

⁵Gbɛkↄlɛgↄↄ ku, gbɛkãaagↄↄ ku, bↄ̃̀nↄblegↄↄ ku, a zɛgↄↄ ku.

⁶Pↄwɛɛlɛgↄↄ ku, a ↄkpaigↄↄ ku, ↄdidia pↄ́wa gↄↄ ku, a gbaɛa gↄↄ ku.

⁷Pↄ́gakɛ̃gↄↄ ku, a namigↄↄ ku, lɛkpaaũgↄↄ ku, yã'ogↄↄ ku.

⁸Yenzigↄↄ ku, zangugↄↄ ku, zĩkagↄↄ ku, kálɛa aafia gↄↄ ku.

⁹Bↄ́ ài zĩkɛna ì e taasi pↄ́ a kɛ̀wai?

¹⁰Ma zĩ pↄ́ Lua dà gbɛ̃nazĩnaↄnɛ aa kɛ è.

¹¹Lua tò pↄ́pii maa a gↄↄwa. À kua gↄↄpii làasoo dà gbɛ̃nazĩna sↄ̃u lↄ, kási a fↄ̃ yã́ pↄ́ Lua lɛ́ kɛ za dṹnia daalɛa e a midɛawa gbadↄ̃o.

¹²Má dↄ̃ kɛ́ pↄe maa ń gbɛ̃nazĩnao dɛ aà kua pↄna guu ń maakɛao aà wɛ̃ni lɛ́ulao.

¹³Tó gbɛ̃́ lɛ́ pↄble, àlɛ imi, àlɛ a zĩ píi sáaukpa, Lua mɛ́ aà gbà.

¹⁴Má dↄ̃ kɛ́ yã́ pↄ́ Lua lɛ́ kɛ aↄ ku gↄↄpiiɛ. Wa fↄ̃ pↄe kã́fĩuo, mɛ́ wa fↄ̃ pↄe laouo. Lua kɛ̀ màa, kɛ́ wàↄ a vĩa vĩ yã́iɛ.

¹⁵Pↄ́ pↄ́ kú tia ku za zi kↄ̀, mɛ́ pↄ́ pↄ́ aↄ ku zia ku yãa lↄ. Lua ì yã́ pↄ́ kɛ̀ yãaↄ gbɛsisi.

¹⁶Ma yã́ è dṹniau lↄ: Gu pↄ́ dɛ yã́zɛde àↄ kuu, yã́zɛsai mɛ́ kú we, mɛ́ gu pↄ́ dɛ yãmaa àↄ kuu, yãvãi mɛ́ kú we.

¹⁷Má ò mazĩawa: Lua a yã́kpalɛkɛ ń gbɛ̃maaↄ ń gbɛ̃vãiↄ píi, asa yã́pii ń a gↄↄoɛ, bↄↄlɛ píi ń a kɛgↄↄo.