Làasoode 3:3-14

³Dɛgↄↄ ku, gbã́gbãgↄↄ ku, gboogↄↄ ku, a dↄgↄↄ ku.

⁴Ɔↄlↄgↄↄ ku, yaalↄgↄↄ ku, wɛ̃nakɛgↄↄ ku, kↄ̃̀ↄ'ogↄↄ ku.

⁵Gbɛkↄlɛgↄↄ ku, gbɛkãaagↄↄ ku, bↄ̃̀nↄblegↄↄ ku, a zɛgↄↄ ku.

⁶Pↄwɛɛlɛgↄↄ ku, a ↄkpaigↄↄ ku, ↄdidia pↄ́wa gↄↄ ku, a gbaɛa gↄↄ ku.

⁷Pↄ́gakɛ̃gↄↄ ku, a namigↄↄ ku, lɛkpaaũgↄↄ ku, yã'ogↄↄ ku.

⁸Yenzigↄↄ ku, zangugↄↄ ku, zĩkagↄↄ ku, kálɛa aafia gↄↄ ku.

⁹Bↄ́ ài zĩkɛna ì e taasi pↄ́ a kɛ̀wai?

¹⁰Ma zĩ pↄ́ Lua dà gbɛ̃nazĩnaↄnɛ aa kɛ è.

¹¹Lua tò pↄ́pii maa a gↄↄwa. À kua gↄↄpii làasoo dà gbɛ̃nazĩna sↄ̃u lↄ, kási a fↄ̃ yã́ pↄ́ Lua lɛ́ kɛ za dṹnia daalɛa e a midɛawa gbadↄ̃o.

¹²Má dↄ̃ kɛ́ pↄe maa ń gbɛ̃nazĩnao dɛ aà kua pↄna guu ń maakɛao aà wɛ̃ni lɛ́ulao.

¹³Tó gbɛ̃́ lɛ́ pↄble, àlɛ imi, àlɛ a zĩ píi sáaukpa, Lua mɛ́ aà gbà.

¹⁴Má dↄ̃ kɛ́ yã́ pↄ́ Lua lɛ́ kɛ aↄ ku gↄↄpiiɛ. Wa fↄ̃ pↄe kã́fĩuo, mɛ́ wa fↄ̃ pↄe laouo. Lua kɛ̀ màa, kɛ́ wàↄ a vĩa vĩ yã́iɛ.