1Làasoode Davidi nɛ́, Yelusalɛũ kía yã́n kɛ:
2Mámɛmaa Làasoode ma mɛ̀: Yãpã búubuu, yãpã búubuu, yã́pii pãɛ.
3Bↄ́ ài gbɛ̃nazĩna ì e dṹniau taasi pↄ́ àlɛ kɛ a zĩ píi guuwai?
4Kpàiↄ ì gɛ̃, Wueↄ ì su, ń beeo dṹnia ìↄ ku gↄↄpiiɛ.
5Ĩatɛ̃ ì bilɛ ì gɛ̃ kpɛ́u, ì wã à ɛa gɛ́ gu pↄ́ a bↄu.
6Ĩana ì na gɛↄmidↄkĩi oi, ì liaa su gugbãntoo oi, ìↄ liaaliaa à gɛ́ le à su la.
7Swa píi í ìↄ ka ísiauɛ, kási ísia lí pao, ípiↄ i ɛa su swapiↄ miwa.
8Pↄ́pii ì ń kpasa, kpasapi yã́ gɛ̃̀ oaa. Gugwaa lí mↄ́ wɛ́wao, yãmaa lí swã́ pao.
Làasoode 1
Làasoode 1:1-8