Làasoode 12:2-11

²To aà yã́ dↄngu e ĩatɛ̃ ń gupuao àↄ lao, e mↄvua ń saanaↄ aaↄ siakũ, e loumaa gbɛa gu weesai àↄ gɛ́ mↄ́i.

³Gↄↄ bee n ↄↄ lualua, n gbáↄ koo, n pↄ́sobↄↄ kã́mabo kɛ́ aa dasi lↄo, n gugwabↄↄ gu'e ń tↄ́ↄnau dã̀adãa.

⁴N lɛ́ aↄ kpaaũa gãaɛ, wísilↄgbɛ kↄ̃fĩ a busɛkũnɛ. Bãↄ wii a n vu iu, mɛ́ nɛnↄɛnaↄ lɛ a kɛnɛ busɛ.

⁵Ńyↄ̃ vĩakɛ gulɛsĩɛ ń bɛa zɛ́ guuo, n mikã a pu lán gyavuwa. Ńyↄ̃ nzĩa gálɛ lán kwa táa'oawa, pↄe a n mɛ fɛlɛ lↄo, asa gbɛ̃nazĩna ì gɛ́ a gɛ́kĩiɛ, ↄ̃ ↄↄlↄnaↄ ìↄ bɛ gãaɛ.

⁶To n Kɛna yã́ dↄngu e n ã́nusu ba àↄ gɛ́ kɛ̃́i, e n vua ta àↄ gɛ́ kpàolokũi, e n nibↄna lo àↄ gɛ́ wíwii, e n lↄ̀ↄ wuluu àↄ gɛ́ ɛ́i,

⁷e n bùsuti à ɛa àↄ gɛ́ gɛ̃i tɛ̃́ɛnau, gu pↄ́ à bↄ̀u, e n nisĩna àↄ gɛ́ tái Lua pↄ́ kpàma kĩ́i.

⁸Mapi ma Làasoode ma mɛ̀: Yãpã búubuu, yã́pii pãɛ.

⁹Bee gbɛa lá Làasoodepi ↄ̃nↄ, à dↄ̃a dàdanɛ́. À làasookɛ̀ à kpálɛkɛ̀ yã́ↄi, ↄ̃ à yáasiↄ kɛ̀kɛ dasi.

¹⁰À kpálɛkɛ̀ yãmaai, ↄ̃ à yã́piↄ kɛ̃̀ a zɛ́wa, mɛ́ sĩanaɛ.

¹¹Ɔ̃nↄnaↄ yã́ↄ dɛ lán gése pↄ́ wì lɛ́ sↄ̃́uwaɛ, an yã'onɛↄ dɛ lán kusa pↄ́ wa pà gíũgiũↄwaɛ. Sãdãn mɛ̀ndona mɛ́ dànɛ́.