Ləmɑɣɑsɛɛ tʋ 5:8-12

⁸Pə kəlɑ teu sɩ tɛtʋ ɩ́ wɛɛnɑ wulɑʋ wei ɩ səŋnɑ tɑwɑ hɑləm tɔm tɑɑ tɔ. Mpi tɔ, tənɑɣɑ pɑ tənɑ pɑ tɔɣɔnɑɣɑ lɩɩkənɑ.

⁹Liɣitee sɔɔllʋ ɩɩ nyəɣəsəɣɩ-yɛ, nɑ wɛnɑʋ sɔɔllʋ nɑ́ fɛɩnɑ kɑwɑɑɣɑ. Təlɛ tə wɛ piti tɔtɔɣɔ.

¹⁰Ye wɛnɑʋ ɩ́ hukiɣi, kʋ tɔɣɔlɑɑ hukiɣi tɔtɔɣɔ. Wɛɛntɑɑ kɑwɑɑɣɑ ntɛ́ pɑ nɑɑkʋɣʋ pɑ wɛnɑʋ nɑ pɑ ɩsɛ tɔ.

¹¹Təmlɛ lɑtʋ tooki kɛ́ nɑ ɩ́ nɩɩ leleŋ, pɑɑ ɩ tɔɣɔ pəcɔ yɑɑ sɔsɔm. Amɑ wɛɛntʋ wɛnɑʋ kɑtɑtəlɑɣɑ ɩɩ yeki sɩ ɩ́ too teu.

¹²Yɑɑsi ɩsɑɣɑʋ nɔɣɔlʋɣʋ mɑ nɑwɑ tɛtʋ tɔɔ, ɩnəɣəlɛ ɩsənɑ yʋlʋ sɩɩkʋɣʋ liɣitee nɑ ɑ́ tɑɣɑnɩ ɩ mɑɣɑmɑɣɑ kɛ́ wɑkəlʋɣʋ tɔ.