KOHELETE 8:1-6

¹Daika na aonega tauna heḡereḡerena; Daika na ḡau anidia mai dibana? Tau na aonega ese vairana e hahururu-hururuamu, bona ena vaira auka e abia ohomu.

²Hanua pavapavana ena haheḡani ba badinaia, bona emu gwauhamata helaḡana dainai kudoumu basine hetaha.

³Ia vairana amo ba raka oho; ena be ḡaukara mamina na dika to basio halahe, badina be ia ese ena ura iboudiai heḡereḡeredia ai e karamu.

⁴Badina be hanua pavapavana ena hereva na herea; daika ese baine nanadaia, baineto “Dahaka o karamu?”

⁵Haheḡani e badinaiamu tauna na basine dika; bona aonega tauna lalona baine parara, nega bona dala be ededia.

⁶Badina be, ena be taunimanima edia hekwarahi na metau, to ḡaukara iboudiai na mai negadia bona mai daladia.