KOHELETE 6:1-12

¹Dika ta vada na itaia dina henunai, taunimanima e hametaudiamu ḡauna:

²tau ta be Dirava ese taḡa bona kohu bona dagi e heniamu, bena ena ura ḡauna ta ai se dabumu; ḡau tamona, Dirava ese imoalelaina siahuna se heniamu, a idau tauna ta ese e moalelaidiamu. Ina na asi anina, hahehisi badana.

³Tau ta natuna bema sinahu-ta, bona ena mauri bema daudau, ela bona ena mauri laḡanidia bema momo herea, a ena mauri ihanamona ḡaudia basinema moalelaidia bona ena mase negana ai basiema ḡuria; lau na tomamu masena ai e vara merona ese ia e hereaiamu.

⁴Badina be ena mai na asi anina, ena lao be dibura e lao heniamu, bona ia ladana na dibura ai e bubunimu;

⁵oibe, dina na se itaia, bona ḡau ta asi dibana, ḡau tamona ia na laḡa-ani e davariamu; a una tau be lasi.

⁶Ena be ena mauri laḡanidia bema daha rua, to ḡau namona ta basinema moalelaia: be, iboudiai na gabu tamona se laomu a?

⁷Taunimanima edia hekwarahi idoinai na ududia daidiai; ḡau tamona, bogadia na asie kunumu.

⁸Aonega tauna ese kavakava tauna ede e hereaia tomamu? Ogoḡami tauna na mauri taudia vairadiai ede baine kara toma bema mai dibana, to ahuna be dahaka namona?

⁹Matada e itamu ḡaudia ese ta lalo haguhilaimu ḡaudia na e hereadiamu; ina danu asi anina, lai ianina mo.

¹⁰Vada e vara ḡaudia iboudiai na ladadia vada e hato guna, bona dibada taunimanima be dahaka, bona dibada ia ese goada-herea tauna basine hepapahuahu henia diba.

¹¹Hereva bae momo, kavakava danu baine bada; idia ese taunimanima ede bae hanamodia toma?

¹²Badina be daika dibana taunimanima ena namo be dahaka, ena mauri asi anina dinadia oreoredia lalodiai? E raka hanaimu laulau ta na heto, ani? Badina be daika ese baine hamaoroa, ia murinai dahaka baine hedinarai dina henunai?