KOHELETE 10:2-10

²Aonega tauna lalona ese idiba kahana e hakaua laomu, a kavakava tauna lalona ese lauri kahana e hakaua laomu.

³Kavakava tauna, ena be dala ai e rakamu, to lalona se pararamu; ia ese taunimanima iboudiai e hamaorodiamu ia na kavakava.

⁴Hanua pavapavana ese bema badu henimu, emu gabu basioma rakatania; badina be hemataurai ese kerere badadia e tahunidiamu.

⁵Dika ta vada na itaia dina henunai, hanua pavapavana ena kerere ta na heto reana.

⁶Kererena binai: kavakava na atai gabudia ai e abia daemu, a taḡa taudia na henu ai e helaimu.

⁷Hesiai taudia vada na itadia, hosi ai e guimu; bona hanua lohiadia vada na itadia, aedia amo e rakamu, hesiai taudia na heheto.

⁸Guri e ḡeiamu tauna na una guri lalonai baine moru; bona haba e dareamu tauna na gaigai ese baine koria.

⁹Nadi e taradiamu tauna na nadi ese bae haberoa; bona au e poladiamu tauna na au ese bema hadikaia reana.

¹⁰Auri asi ganona basie segea negana ai, ḡaukara tauna ena hekwarahi baine bada, a aonega ese ḡaukara e haheauamu.