Text copied!
CopyCompare
Buka Hope - Kinera Koari na Kinerakera - Kinera Koari na Kinerakera 4

Kinera Koari na Kinerakera 4:3-11

Help us?
Click on verse(s) to share them!
3Sari berumu si ziṉara va leleana; sa ṉuzumu si doṉo lea pana zama si agoi. Sari paparamu si ziṉara guana pomeqaraneti, pa mudi poko paere isumata.
4Sa ruamu si doṉo lea gua tugo sa vetu hakehakei te Devita, pakui nana sari tina na tina lave, doduru si na lave tadi na varane.
5Sari karua susumu si guana karua tuna qazele, na karua vivi tanisa kurukuru ṉame qazele sapu korapa henahena dia koari na havoro lili.
6Sipu lopu ele kamo sa rane, meke murimuri taloa sa huporo, si maqu sage la i sari karua botu toqere pu humaṉa lea guana oto huda moa, meke na vina uququ oto huda.
7Na lua nigo kusui si agoi, qua babaere, loke vasi kisakisamu si goi!
8Loaqu, luli taloa koa rau koari na toqere Lebanoni, mae, luli taloa koa rau pa Lebanoni. Gore mae gua pa batu toqere Amana, panaulu pa Seni, sapu sa toqere Hemoni, koari na bae tadi na laione meke na toqetoqere tadi na leopadi.
9Ele hikoa goi sa buloqu, agoi na qua babaere, na loaqu; ele hikoa goi sa buloqu koasa vasi kevena sa matamu, meke sa patu ṉedala pa mua pakupaku.
10Agoi na loaqu na qua babaere, variva qetu hola sa mua tataru; sa mua tataru si liṉiliṉi lea hola nia sa vaeni, sa lumu humaṉa lea koa goi si hola ni sari doduru pule!
11Sari berumu, loaqu, si lomoso guana namu zipale; sa meamu si guana koa ia meleke na kolo zipale. Sari mua poko si humaṉa lea guana huda sida pa Lebanoni.

Read Kinera Koari na Kinerakera 4Kinera Koari na Kinerakera 4
Compare Kinera Koari na Kinerakera 4:3-11Kinera Koari na Kinerakera 4:3-11