Kinera Koari na Kinerakera 2:4-13

⁴Turaṉa lani au sa koasa nana vetu lavata tana inevaṉa varihaba, meke va tokoro nau pitipiti sa pa nana tataru.

⁵Mu va ṉiṉira au koari na vua qurepi tava popadi, mu va masiqara au koari na vua apolo, ura na ele malohoro nia rau sa qua tataru koa goi.

⁶Sa kali lima gedena si pa kauru batuqu, meke sa lima mataona si ṉaza nau sa.

⁷Gamu na tudia vineki ri pa Zerusalema, tepa gamu rau: Mi zama tokotokoro pa pozadi rina kurukuru made nene, na qazele meke na dia pa soloso, pude lopu okoro nia sa puta turaṉa koreo osolae kamo atu sa mia totoso varihaba.

⁸Va avoso! Sa mamalaiṉina sa qua babaere! Doṉo la! Isa, mae sana! Horu kasopo ni sa sari na toa, haqala karovi sa sari na toqere.

⁹Qua babaere si haqala tuturei guana kurukuru qazele, meke doṉo lea gua rina kurukuru dia kokoreo vaquradi. Dotu! Turu nana sana pa mudina sa goba, doṉo nuquru mae nana pa vuida, hopiki nuquru nana pa lose.

¹⁰Sa qua babaere si zama mae koa rau, Sa Koreo “Tekulu, agoi na qua babaere, qua vineki leleamu, mae luli au.

¹¹Do! Sa totoso ibu si ele hola; sari ruku ba ele noso.

¹²Ele pelara sari havoro pa pepeso; na totoso kerakera si ele kamo, na vinari titioki tadi na kukuva si avoso lea koari na hudahuda.

¹³Sari huda piqi d si ele va sagana kenu vuadi; meke sa humaṉa lea tanisa havoro vaeni si ele kamo. Tekulu mae, qua babaere; qua vineki leleamu, mae luli au!”