Kawandila 3:5-12

⁵Waxati nde na gɛmɛe rayensenfe ma, waxati nde na gɛmɛe malanfe ma. Waxati nde na sunbu tife ma, waxati nde na a titareya ma.

⁶Waxati nde na se fenfe ma, waxati nde na a lufe ma. Waxati nde na se ragatafe ma, waxati nde na a wɔlɛfe ma.

⁷Waxati nde na se ibɔɔfe ma, waxati nde na a dɛgɛfe ma. Waxati nde na wɔyɛnfe ma, waxati nde na dundufe ma.

⁸Waxati nde na xanu tife ma, waxati nde na xɔn tife ma. Waxati nde na geresofe ma, waxati nde na saatafe ma.

⁹Walikɛ geeni mundun sɔtɔma a xa katɛ kui?

¹⁰N bara kote to Ala naxan dɔxɔxi adamadie xun.

¹¹A bara se birin natofan a waxati ma. A bara a niya adamadi xaxili xa siga abadan fe ma, hali a mu nɔ Ala xa walie kolonde keli a fɔlɛ ma han a raɲɔnyi.

¹²N a kolon fefe mu na naxan fan adamadi bɛ, fo a sɛɛwa, a fe fanyi raba a xa duniɲɛigiri kui.