Katuma 3:14-25

¹⁴Na iri me unu lau, nan nukabanu ugime agi aceki shi unu huzanu.

¹⁵Isabi hu nitini nu vengize uzatu mara. Asere a hirza me a mu cau, haru ta ira anime.

¹⁶Aname nizanime nini, uham inni za nimeme, ini yanya unu ugino sa ihira irusa nikara, anime ani uhem in Yeso wa nyame ni huma a ve ashi me.

¹⁷Aname, nihenu, in rusa utasa utame uni uzi ya wuza anime, kasi a ana je ashime wa wu zi anime.

¹⁸A, anime Asere a myinca mtize time mu atinyo tanu kurzu utize, Yeso Kristi madiziti.

¹⁹A, anime cekini imomu izenzeng, gamirkani, barki a visa madini mashi me, Ugomo Asere ma nya shi ni huma.

²⁰Ma tumi innunu zatu umadini sa nyara shi dati unu nu utuba me mani, Yeso.

²¹Me mani desa tigomo ta sereti nyara ukabi barki uganiya udati ubarka utimumum, sa Ugomo Asere manya atinyo tanu kurzuzzo utize ti lau.

²²Musa magu, Ugomo Asere madi hirza shi ure unu kurzo anyimo'anu henu shime, kasibe sa ma hirzam, kadure kani i kunna imumbe sa mabuki.

²³Idi cukuno vat de sa makunna unu kurzuzo tizetige me madi ribe ijas.

²⁴E, Samaila ma bu aban ga gino me, vat tize ti inde me tini.

²⁵Shi ahana anu kurzuzo tize tini sa Ugomo Asere ma inki tize nanaka co ushime utuba, bishime vat nan tikura tishime anyimo une me wakim uringiringirka.