Katuma 15:2-31

²Barki u gbardang umataran a tuburko Bulus, Barnabas nan aye wa haa Ujarusalem ahira adura nan ananu anu tarsa Asere.

³Anu tarsa Asere wa ka tibi we, wa tarsinFinikiya nan Usamariya wa aki wa buu abanga an desa wa zo we Mayahudawa sa wa kabi tize ta Asere, mu ruba manu tarsa Asere mu rum.

⁴Sawa aye Ujarusalem wa kurzo vat ti mum me sa Asere awuza in we, ana kadura kasere, ananu nan anu tarsa Asere wa issi we unu aye.

⁵Aye anyimo Amafarisiyawa wa tonno wa gu,” ya cukuno gbas ande sa wa zo we Mayahudawa agbari we”. Wa kuri wa tarsi tize ti Musa.

⁶Ana kadura kasere nan annu wa cukuno wa gamiri tizee me.

⁷Anyimo ugamara utizee me Bitrus m hiri ma tonno ma gun wee,”Anuhenu in rusa dadatti Ugomo Asere ma zaukam unu guna ande sa wa zoo we Mayahudawa wadi kunna tize tasere anyo am wa kabi tini “.

⁸Asere sa arusa iruba ikonde vi, ma kaba we madi nya we bibe biriri kasi haru me”.

⁹Daki ma harzinan duru nan wee, ma wuna mu ruba muweme lau, nanu inko iruba.

¹⁰Barki ani me, nyani ya wuna i nyara ibati Asere, unu cira udangdang sa uteki ni kara na coo nan haru, i cani anu tarsa Uyesu. I rusa barki ugomo Asere sa Yesu maninta kem uburaa kasi we me.

¹¹Irusa barki ugomo Asere sa Yesu mani ta kem uburaa kasi we me.

¹²Vat ni gura nanu me ni cukuno tik unu me ni cukuno tik unu kunna Ubarnabas nan Bulus, in nu boo ti mum tibi yau sa Ugomo Asere ma wuza ahiran de sa wa zo we Mayahudawa.

¹³Sa wa mara tizee Yakubu ma gu “nihenu kunnan me”.

¹⁴Simon ma tubi u boo uhem me sa Asere awuzi an desa wa zo we Mayahudawa unu tuba, barki niza nimeme.

¹⁵Tizee me ta wuna rep nan tanu kurzozo utize ta sere.

¹⁶Indi kuri uzee in kurzo ani kasi utuba me.

¹⁷Batti ukasu wasu wannu upata ande sa wa zoo we Mayahudawa wa kabi Yesu.

¹⁸U buka ugomo Asere wazigino me sa ma buki datti.

¹⁹U iraa um wazigenne me, ande sa wa kati a bussur we.

²⁰Caa ti nyertike wen unu guna kati wa ree imum yare ima kiri nan inama sa daki aweki wan mayee.

²¹I rusa ati wee tu datti sa ta agiza u cara sassas ati pinpin sassas anyimo ati denge tinigura wa wuza katuma in tizee ti Musa vat uwui uvenke wa asabar.

²²Ya wuu are ana kadura kasere nan nanu vat na anu tarsa Asere wa zauka Yahuda, Barnabas nan Silas wa tono we U think antakiya upata Bulus nan Barnabas.

²³Wa nyertike kadura kani iss ahira anu henu uwe ande sa inzo Ayahudawa, sa wa rani Uantakiya, Suriya nan Kilikiya.

²⁴Ta kunna agi aye anyimo aruu wa suro sarki urusa uroo in tire tize sa wazin unu carsa ushi murubani.

²⁵Barki ani me ta ira ya wuna urii ti tummi aye upata u Bulus nan Barnabas ahirabashi me.

²⁶An desa wa nya ace awe barki katuma ku ugomo Asere Yesu kristi.

²⁷Ta kuru ta tuma Yahuda nan Silas wa e wa buki shi imum i' inde me.

²⁸Bibe bi ugomo Asere nan haru ta iraa ya wuna urii kati acani shi imum sa idi aki ni kara nishi.

²⁹Kati irii nan isii imum be sa barka barki makiri, kati iri binama sa daki aweki bini, kati irii maye.

³⁰Wa dusa uhana Uantakiya wa ori anu tarsa Asere wa nya we kadura me.

³¹Sa wa kunna kadura me wa wuu mu ruba mu rum.