Karamɔxɔna 10:3-18

³Xaxilitaren nɛma sigan tima kiraan xɔn, xaxili mi a ma. Birin a xaxilitareyaan toma.

⁴Xa kuntigin xɔlɔ i xili ma, i nama keli i ya walideni, bayo maraxaran yulubi gbeen nan matangama.

⁵N fe ɲaxina ndee toxi dunuɲa yi, tantanna naxanye fata mangan na:

⁶Fekolontarene tide gbeene sɔtɔma, sɛnbɛ kanne yi lu tide xurine yi.

⁷N bata konyine to soone fari, mangane yi sigan ti e sanni alo konyine.

⁸Naxan na yinla ge, a birama nɛn na ra. Naxan na yinna rabira, saɲin nan na xinma.

⁹Naxan na gɛmɛne maxɛtɛ, na a maxɔlɔma nɛn e ra, naxan wudin bɔma, na nɔɛ a maxɔlɛ nɛn.

¹⁰Xa bunbi mɛlɛnna dɛ mi a yi, a mi raxanxanxi, fɔ i xa i sɛnbɛn xun masa nɛn, koni fekolonna feen nɔɛ dangu na ra.

¹¹Naxan fatan saɲin suxɛ, na tɔnɔn nanse ra xa saɲina a xin benun a xa a suxu?

¹²Fekolonna falane rafexi hinanna nan na, koni xaxilitarena falane bɔnɔn nan tima a ma.

¹³A falane fɔlɔn xaxilitareyaan nan ma, a raɲan daxuya ɲaxin ma.

¹⁴Xaxilitaren falane rawuyama ayi nɛn. Adamadiin mi a kolon naxan fama ligadeni. Nde a falɛ a xa naxan fa ligama a xanbi?

¹⁵Xaxilitarena wanla a xadanma nɛn, bayo a yɛtɛɛn mi a kolon a sigɛ taani kii naxan yi.

¹⁶Yamanan naxan manga findixi foningen na, gbalon na xa, e nun naxan ma kuntigiye e waxatin birin nadanguma donse dondeni.

¹⁷Sɛwan na yamaan xa naxan manga findixi muxu binyene diin na, naxan ma kuntigiye e dɛgema a waxatini, e makoon naxan ma, e mɔn mi manpaan minna radangu ayi.

¹⁸Muxu narixina xalanben fɔnma nɛn. Xa a mi walɛ, tulen soma nɛn a banxini.