Kap 92:1-6

¹Kap on Sabat bɨsapmon Piŋkop gawak ɨmɨŋek yogogɨ. Yawe, gak Piŋkop Wɨkwisi egɨsal. Ya yaŋ yaŋek kap yaŋek mango aŋkɨsineŋ kaŋ uŋun tagɨsi.

²Wɨsa dagok morap gak da nin do but dasi galak taŋ nimɨsal uŋun do yaŋ teŋteŋok aneŋ kaŋ uŋun tagɨsi. Ae kalbi morap bɨsapmɨ bɨsapmɨ paŋpulugaŋek dɨma nipmaŋ dekdal uŋun do yaŋ teŋteŋok aneŋ kaŋ uŋun tagɨsi.

³Gita napmɨ 10 kabɨ dakon ae gita napmɨ morapmɨ toŋ uŋun baŋ tɨdaŋek kɨsɨk kɨsɨk aŋek uŋun dakon yaŋ teŋteŋok aneŋ kaŋ uŋun tagɨsi.

⁴Yawe, gak yo tagɨsi asal uŋun do nandaŋek butno tagɨsi asak. Kɨsitgo da pi asak uŋun do nandaŋek kɨsɨk kɨsɨk kap yosot.

⁵Yawe, gak pi tapmɨmɨ toŋsi asal. Nandak nandakgo uŋun ɨlarɨsi.

⁶Amɨn yokwi joŋ yombem tagɨ kwoŋ, ae yo morapmɨ tɨmɨgek tagɨsi ekwaŋ. Mani gak da wagɨlsi paŋupbal akdɨsal. Amɨn nandak nandakni mɨni ae nandaŋ kokwini tagɨ dɨma amɨn on yo morap do arɨpmɨ dɨma nandaŋ pɨsoni.