Kap 91:3-14

³Piŋkop da kɨlago tagɨsi aŋakwan paron dɨma yokwalgi. Ae gak nagal aŋakwan sot teban gagon dɨma noman toni.

⁴Pup da pudɨgɨ pɨrɨgwan wutjaŋ uŋudeŋ Yawe da tagɨsi aŋkutnosak. Uŋun toktok teban kɨlago aŋek pasɨkgo asak.

⁵Kalbi binap bo gɨldat kalba yo yokwisi kɨnda da aŋupbal asak yaŋ do pasol pasol dɨma abi.

⁶Ae sot teban kɨnda da kalbi altaŋ gamjak, bo gɨldat binap yo yokwisi kɨnda da gak aŋupbal asak yaŋ do pasol pasol dɨma abi.

⁷Amɨn 1 tausen gak da kapmatjok kɨmagakwa ae amɨn 10 tausen amɨn tetgo do kɨmotni kaŋ, uŋun yo yokwi gak da kapmatjok arɨpmɨ dɨma apni.

⁸Dabɨlgo da si pɨndagaki Piŋkop da amɨn yokwi kobogɨ yokwi yomdɨsak.

⁹Yawe Wukwi Madep da yoŋgamgwan egɨpbi kaŋ,

¹⁰yo yokwisi gagon arɨpmɨ dɨma noman toni. Ae sot teban gak da yut da kapmatjok arɨpmɨ dɨma apni.

¹¹Kosit morap agɨpbikon Yawe da aŋeloni pi yoban kɨlago akdaŋ.

¹²Aŋakwa kandapgo tɨpmon tɨdoki yaŋ do gak kɨsit da bedaŋ awɨldaŋ.

¹³Gak da laion emarɨ yokwi gat ae tuŋon amɨn emarɨ toŋ gat bamaŋ mɨsɨŋɨtdɨsal.

¹⁴Yawe da yaŋ yosok, “Amɨn nak do but dasi galak taŋ namaŋ uŋun yokwikon baŋ tɨmɨkgeŋ. Amɨn nak dakon man do nandaŋ teban toŋ uŋun paŋkutnokeŋ.