Kap 77:13-19

¹³Piŋkop, aŋpakgo telagɨ. Kokup kɨdat kɨnda gak gat arɨp dɨma. Gak da yapmaŋ mudosol.

¹⁴Piŋkop, gak kaloŋ dagɨn wasok tapmɨmɨ toŋ asal. Kalɨp gak da tapmɨmgo madepsi mɨŋat amɨn kabɨ morapmon yolɨgɨl.

¹⁵Gaga da tapmɨmon da mɨŋat amɨn kabɨgo Jekop gat Josep gat dakon babɨkni yokwikon baŋ tɨmɨkgɨl.

¹⁶Piŋkop, Tap Gami da gak gandagɨt bɨsapmon si pasalek kwakwalɨkgɨt.

¹⁷Sɨkak madepsi maŋakwa kɨrɨrɨŋ madepsi awit. Aŋek mal madepsi aŋek teŋteŋɨ dukwan dukwan kɨsi yamgwit.

¹⁸Mɨrɨm kwasɨgɨlgwit da binapgwan gak da kɨrɨrɨŋ yopbɨ yawit. Mal da aban mɨktɨm morap dukwan dukwan kɨsi teŋteŋaŋakwa mɨktɨm kwakwalɨkgɨt.

¹⁹Gak tap binap naŋ agɨpgul. Kosit tap ɨdap madep da binap tagɨt, mani gak dakon kandap tamo dɨma kawit.