Kap 74:15-22

¹⁵Gak dasi abɨ pakbi monɨŋ mɨktɨm tɨmon noman taŋek pak abɨgɨwit. Ae gak dasi pakbi madep abɨ wagɨlsi kɨbɨdawit.

¹⁶Gak dasi gɨldat kalba gat ae pɨlɨn gat wasagɨl. Ae gɨldat gat kanek gat kwen yopgul.

¹⁷Gak dasi mɨktɨm morap dakon wasɨpni yopgul. Ae bɨlagɨ bɨlagɨ dakon gɨldat ae sɨkak bɨsap yopgul.

¹⁸Yawe, gak dɨma ɨŋtoki. Uwalgo da yaŋsul yokwisi aŋ gamaŋ. Uŋun nandaŋ kokwini tagɨ dɨma amɨn da mango do yaŋba yokwi tok aŋ.

¹⁹Mɨŋat amɨngo kɨnarɨm yombem tapmɨmni mɨni, do gak da nin nipmaŋ dekbɨ joŋ bɨt kɨlapyo da dɨma paŋupbal ani. Uwal da mɨŋat amɨngo nin obɨsi paŋupbal aŋ, do dɨmasi ɨŋtaŋ nibi.

²⁰Mɨktɨmninon dukwan dukwan morap kɨsi emat aŋ, ae pɨlɨn tuk madepsi tosok, do gak da nin gat saŋbek saŋbek agɨl uŋun do aego nandaki.

²¹Yum pɨndagaki amɨn yokwi da bupmɨ amɨn bamaŋ yomɨŋek dɨma paŋmayak ani. Wadak wadak amɨn uŋun da mango aŋkɨsini do nandɨsat.

²²Piŋkop, uwal da gen yaŋ gamaŋ, do gak abɨŋek gen pikon gaga da tet kɨla tebai abi. Gɨldat kɨnda kaloŋ nandaŋ kokwini tagɨ dɨma amɨn da yaŋsul yokwisi aŋ gamaŋ uŋun do nandaki.