3Pɨndakgi. Nɨkba kɨmokgeŋ do yubɨŋ ekwaŋ. Yawe, yokwi kɨnda dɨma agɨm, mani amɨn yokwi emat agak amɨn uŋun nɨt do muwukgaŋ.
4Yawe, suŋ kɨnda dɨma agɨm, mani tepmɨsi nak gat emat wam do tagap taŋ. Jɨgɨno do kaŋek abɨŋ aŋpuluga!
5Piŋkop Yawe, Tapmɨm Ami, tepmɨsi abɨŋek nak aŋpulugoki. Gak Israel amɨn dakon Piŋkop, tepmɨsi abɨŋ amɨn kabɨ morap egɨ aŋaŋ kwaŋ tepmɨ pi yobi. Uŋun jamba but amɨnsi, do bupmɨ dɨma nandaŋ yobi.