Kap 46:3-11

³Tap madepsi tamalɨgakwan tarak madepsi aŋek ɨleŋ oba paŋkwakwalɨtjak kaŋ, nin uŋun do dɨma pasolneŋ.

⁴Piŋkop Wɨkwisi Madep uŋun telagɨ kokup papnikon egɨsak. Uŋun kokupmon pakbi madep kɨnda pagek amɨn kɨsɨk kɨsɨk yomɨsak.

⁵Piŋkop uŋun kokup papmon egɨsak, do kokup uŋun arɨpmɨ dɨma yokwi tosak. Wɨsa mɨgon yɨpmaŋakwan Piŋkop da kokup uŋun aŋkutnosak.

⁶Mɨktɨmɨ mɨktɨmɨ mɨŋat amɨnyo da pasol pasol madepsi aŋakwa on mɨktɨm dakon kɨla amɨn madep gat mɨŋat amɨn kabɨyoni gat obɨsi tasɨk toŋ. Piŋkop da gen pap yaŋakwan mɨktɨm pakbi dagoŋ.

⁷Yawe Tapmɨm Ami nin gat egɨsak. Jekop dakon Piŋkop uŋun dam tebanin arɨpmɨ dɨmasi tuwɨlɨ egɨsak.

⁸Ji abɨŋek Yawe da wasok asak uŋun do pɨndakgɨt. Mɨktɨmon wasok masɨ masɨmɨ asak uŋun pɨndatni.

⁹Mɨktɨmɨ mɨktɨmɨ emat paŋyawot asak. Obip gat gwawiya gat gwokgalek pasɨkni kɨndapmon sosok.

¹⁰Uŋun da yaŋ yosok, “Ji tayaŋgok egek nak Piŋkop bamɨsi uŋun pakyaŋsi nandaŋ namni. Mɨktɨmɨ mɨktɨmɨ amɨn nak do nandaba wukwan namni. On mɨktɨmon nak dogɨn nandaba wɨgɨsak.”

¹¹Yawe Tapmɨm Ami nin gat egɨsak. Jekop dakon Piŋkop uŋun dam tebanin arɨpmɨ dɨma tuwɨlɨ egɨsak.