Kap 34:8-19

⁸Yawe aŋkɨlɨk koni, uŋun tagɨsi. Paŋkutnosak do kwaŋ amɨn uŋun kɨsɨk kɨsɨk tagɨ ani.

⁹Mɨŋat amɨn kabɨyoni ji Yawe do pasal ɨmni. Nido pasal ɨmaŋ amɨn uŋun yo kɨnda do wadak wadak dɨma aŋ.

¹⁰Laion da jap do aŋ, mani Yawe wɨsɨŋ kok do pi aŋ amɨn uŋun yo tagɨsi do wadak wadak dɨma aŋ.

¹¹Mɨŋat monjiyono, abɨŋek mɨrak yopgut. Apba Yawe do pasol pasol ani do dayɨŋ dekgo.

¹²Ji mɨktɨmon bɨsap dubagɨ egek egɨp egɨp tagɨsi egek kɨsɨk kɨsɨk ak do nandaŋ?

¹³Yaŋ egɨp do nandaŋ kaŋ, ji gen yokwi dɨma yoni, ae top gen dɨma yoni.

¹⁴Ji aŋpak yokwi manji yomɨŋek aŋpak kɨlegɨsi gɨn ani. Amɨn gat but kaloŋ aŋek egɨp do pini si teban taŋek ani.

¹⁵Yawe uŋun amɨn kɨlegɨ kɨlani aŋek bɨsitni nandaŋ yomɨsak.

¹⁶Mani yokwi aŋ amɨn dɨma galak taŋ yomɨsak. Kɨmagakwa amɨn da ɨŋtaŋ yomdaŋ.

¹⁷Amɨn kɨlegɨ Yawe bɨsit aŋ ɨba nandaŋ yomɨsak. Paŋpulugaŋban jɨgɨ da dɨma pabɨŋ yopmaŋgaŋ.

¹⁸Yawe butjɨgon da egɨsak amɨn da kapmatjok egɨsak, ae nagon yo tagɨ dɨ dɨma noman tokdaŋ yaŋ nandɨsak amɨn uŋun aŋpulugosok.

¹⁹Amɨn kɨlegɨ jɨgɨ morapmɨ noman taŋ yomaŋ, mani Yawe da jɨgɨ morapnikon baŋ pulugaŋ yopmaŋdak.