Kap 30:3-12

³Yawe, kɨmot do aŋapbo abɨ pɨdagɨm. Kɨmakbi tamogwan pɨgɨk do aŋapbo egɨp egɨpno aego namgul.

⁴Yawe dakon mɨŋat amɨn kabɨni, Yawe aŋkɨsini. Mani telagɨ aŋkɨsini.

⁵Bɨsap pɨsɨpmɨsok butjap nandɨsak. Mani mɨktɨmon ekwamaŋ bɨsap morap nin do tagɨsi nandaŋek yo tagɨsi aŋnimɨsak. Dabɨl pakbigo kalbi tagɨ moni, mani wɨsa dagokdo kɨsɨk kɨsɨk aego akdɨsal.

⁶Kalɨp nak tagɨsi egek yaŋ yagɨm, “Yo kɨnda da arɨpmɨ dɨma aban yokwi tokeŋ.”

⁷Yawe, gak nak do tagɨsi nandaŋek aŋpulugagɨl bɨsapmon ɨleŋ kɨnda da yaŋ tebaisi akgɨm. Mani manji namgul bɨsapmon uŋudon yokwi tagɨm.

⁸Yawe nak gak do yaŋ tɨdagɨm. Bupmɨ nandɨsak do Amɨn Tagɨ bɨsit tebaisi aŋek yaŋ iyɨgɨm,

⁹“Nak kɨmakbi tamogwan pɨgɨkeŋ kaŋ, ni yo tagɨ kɨnda da noman tosak? Amɨn kɨmakbi da mango tagɨ aŋkɨsini? Gak da toktogɨ ninon yo tagɨsi asal dakon gen uŋun da tagɨ yaŋ teŋteŋoni? Arɨpmɨ dɨma.

¹⁰Nandaŋ namɨŋek nak do bupmɨ nandaki. Yawe, nak aŋpulugoki.”

¹¹Gak da butno jɨgɨsi tagɨt uŋun aŋtagap abɨ kɨsɨk kɨsɨk kap asat. Ae but yokwi nandagɨm uŋun aŋyawot abɨ but kwaktok nandɨsat.

¹²Yaŋ agɨl, do gen mapmɨt arɨpmɨ dɨma abeŋ. Mango aŋkɨsikeŋ. Yawe Piŋkopno, dagok dagogɨ mɨni ya yaŋ gayɨkeŋ.