Kap 136:6-25

⁶Mɨktɨm yɨpban kwen tagɨt, ae pakbi yɨpban mibɨlɨkon tagɨt. Toktok teban nin do but dasi galak taŋ nimɨŋ kɨmokdok.

⁷Gɨldat gat kanek gat wasagɨt. Toktok teban nin do but dasi galak taŋ nimɨŋ kɨmokdok.

⁸Gɨldat yɨpban gɨldat kɨnda kɨla asak. Toktok teban nin do but dasi galak taŋ nimɨŋ kɨmokdok.

⁹Kanek gat gɨk morap gat yopban pɨlɨn kɨla aŋ. Toktok teban nin do but dasi galak taŋ nimɨŋ kɨmokdok.

¹⁰Nin Yawe ya yaŋ iyɨneŋ. Uŋun Isip amɨn dakon monjɨ mibɨltogɨ dapban kɨmakgwit. Toktok teban nin do but dasi galak taŋ nimɨŋ kɨmokdok.

¹¹Israel amɨn tɨmɨk paŋobɨŋakwan Isip yɨpmaŋ dekgwit. Toktok teban nin do but dasi galak taŋ nimɨŋ kɨmokdok.

¹²Iyɨ da tapmɨm madepmon da tɨmɨk paŋopgut. Toktok teban nin do but dasi galak taŋ nimɨŋ kɨmokdok.

¹³Tap Gami pudaŋban tɨmɨ bamorɨ agɨt. Toktok teban nin do but dasi galak taŋ nimɨŋ kɨmokdok.

¹⁴Iyɨ mibɨltok kɨŋek mɨŋat amɨni tɨmɨk paŋabɨŋakwan tap ɨdap pudawit. Toktok teban nin do but dasi galak taŋ nimɨŋ kɨmokdok.

¹⁵Mani Isip dakon kɨla amɨn madep gat ae emat amɨni gat yopban pakbi naŋ kɨmakgwit. Toktok teban nin do but dasi galak taŋ nimɨŋ kɨmokdok.

¹⁶Mɨktɨm kɨbɨrɨ tɨmon mɨŋat amɨni mibɨltaŋ yomɨŋek kɨgɨt. Toktok teban nin do but dasi galak taŋ nimɨŋ kɨmokdok.

¹⁷Kɨla amɨn madep tapmɨmɨ toŋ dapban kɨmakgwit. Toktok teban nin do but dasi galak taŋ nimɨŋ kɨmokdok.

¹⁸Ae kɨla amɨn madep man bini toŋ dapban kɨmakgwit. Toktok teban nin do but dasi galak taŋ nimɨŋ kɨmokdok.

¹⁹Amo amɨn kabɨ dakon kɨla amɨn madep Sion aŋakban kɨmakgɨt. Toktok teban nin do but dasi galak taŋ nimɨŋ kɨmokdok.

²⁰Ae Basan dakon kɨla amɨn madep Ok aŋakban kɨmakgɨt. Toktok teban nin do but dasi galak taŋ nimɨŋ kɨmokdok.

²¹Aŋek uŋun kɨla amɨn madep dakon mɨktɨmni mɨŋat amɨni do yomgut. Toktok teban nin do but dasi galak taŋ nimɨŋ kɨmokdok.

²²Mɨktɨm uŋun oman amɨni Israel do yomgut. Toktok teban nin do but dasi galak taŋ nimɨŋ kɨmokdok.

²³Uwal da pabɨŋ nipgwit bɨsapmon nin do sigɨn nandaŋ nimgut. Toktok teban nin do but dasi galak taŋ nimɨŋ kɨmokdok.

²⁴Aŋek uwal da kɨsiron baŋ tɨmɨkgɨt. Toktok teban nin do but dasi galak taŋ nimɨŋ kɨmokdok.

²⁵Mɨŋat amɨnyo gat ae bɨt kɨlap morap gat jap yomɨsak. Toktok teban nin do but dasi galak taŋ nimɨŋ kɨmokdok.