Kap 135:12-21

¹²Yaŋ aŋek uŋun kɨla amɨn madep dakon mɨktɨmni amɨn kabɨni Israel do yomgut.

¹³Yawe, mango bɨsap mudok mudogɨ mɨni taŋ aŋaŋ kɨkdɨsak. Babɨkon da babɨkon man bingo do nandaŋ aŋaŋ kɨkdaŋ.

¹⁴Yawe dakon amɨn kabɨ uwalni da yo yokwi aŋyoba iyɨ paŋkutnokdɨsak. Oman amɨni do bupmɨ nandaŋ yomɨsak.

¹⁵Amɨn Ŋwakŋwarɨ Kabɨ kokup kɨdatni uŋun silwa ae gol baŋ wasoŋ. Amɨn kɨsit da wup uŋun wasoŋ.

¹⁶Kokup kɨdat dakon wupmɨ uŋun gen kagani toŋ, mani gen arɨpmɨ dɨma yoni. Ae dabɨlni toŋ, mani yo arɨpmɨ dɨma pɨndatni.

¹⁷Ae mɨrakni toŋ, mani gen arɨpmɨ dɨma nandani. Ae mɨrɨm dɨma paŋ.

¹⁸Kokup kɨdat dakon wupmɨ wasoŋ amɨn, ae egɨp egɨpni kokup kɨdaron tosok yaŋsi nandaŋ amɨn morap, uŋun kokup kɨdat dakon wupmɨ yombem akdaŋ.

¹⁹Israel mɨŋat amɨnyo, ji Yawe aŋkɨsini. Yawe dakon mukwa sogok amɨn, ji mani aŋkɨsini.

²⁰Liwai da kabɨkon nani, ji Yawe aŋkɨsini. Mɨŋat amɨnyo Yawe do pasolgoŋ amɨn, ji mani aŋkɨsini.

²¹Yawe Jerusalem kokup papmon egɨsak, do mɨŋat amɨnyo ji Saion wɨgek mani aŋkɨsini. Yawe aŋkɨsini!