Kanta ni Solomon 7:10-13

¹⁰Kukuanak ti ay-ayatek, ken tartarigagayannak.

¹¹Umayka, ay-ayatek, mapanta idiay away; umianta nga agpatpatnag kadagiti barbario.

¹²Agriingta a masapa tapno mapanta idiay kaubasan; kitaenta no nagrusingen dagiti puon ti ubas, no nagukraden dagiti sabongda, ken no agsabungen dagiti granada. Sadiay nga itedkonto ti ayatko kenka.

¹³Agayamuom ti angot dagiti mandragoras; iti ridaw a paggigiananta ket adda dagiti amin a kita dagiti kasayaatan a bungbunga ti kayo, baro ken baak, nga indulinko para kenka, ay-ayatek.