1Naama ziɛsu, Sɔle ɠɛni ba nɔ, é ɗa maalua vaiti ta nu ʋaa vai wo Maliɠii ná-kaladopoiti daalɔɠɔma. É liini zalaɠa ɠula ɠundiɠi wolai ʋɔ bɛ,
2é sɛʋɛa ɠaiziɛ zea, teʋegai Damase ƓALA dɛbi ʋɛlɛi wu nuiti ma, ga ni a nu nɔpɛ kaana, zunu ɓaa anzanu, é kidaaleʋe ʋele niinɛi naa ma, é gili, é ʋaa la Zeeluzalɛme.
3Kɛai ma pelei zu, é ɗa li, maaɓuɠaai ma Damase ʋa, gaamago nɔ wozakalagi ta ɠulani geeɠɔlɔgi zu, é ɗa volo maaɠoolii zu.
4É looni zooi ma, é wooi ta mɛnini, é ɗa toli, é ɗa ɠɛ ma: «Sɔle, Sɔle, lee vaa zu è wɔ̀inzeɠezu?»
5É ɠɛni naa ma: «Ɓɛ ɠa ga ɗe, Màliɠii?» Naa ɠɛ ma: «Nà ɠa gè ga Yesu, nii è wɔ̀inzeɠezu.
Kɛɛwotiiti 9
Kɛɛwotiiti 9:1-5