Kɛɛwotiiti 4:15-25

¹⁵Ti ɠɛni ti ma naazu, ti ɠula tukpɔɠaaleʋe ʋɛlɛi wu, ti tɔɔzei ga ti ɗa ɓɔɠɔ ɠaazaɠa kpɔgi zu,

¹⁶ti ɗa ɠɛ ma: «Leeni ɠa ada kɛ ga zunui niiti? Tɔɔzei Zeeluzalɛme nuiti pɛ ti kwɛɛni ga ti laavɔɔ vaa wolai nii ɠulaʋɛ kɛlɛma, nii ade la zooga ade ʋa maaɠaali.

¹⁷Kɛlɛ kɛni ade pele leʋe tuɠɔ ga su mina ɓaaɠo nuɓusɛiti saama, ade tɔ sei ti ma, ade ti maalua ga ti mina mɔ ɓɔɛ daaseigi naa zu nu nɔpɛ gaazu.»

¹⁸Ti naati tolini ʋolu, ti tɔgi zei ti ma, ti ɠɛ ma: «Eyɛsu pɛ wo mina mɔ ɓɔɛ, ɓa wo ʋa kala bo, Yesu laaseigi zu.»

¹⁹Kɛlɛ Piyɛlɛ ta Zan ti ɠɛni ti ma: «Ɓɛgele ɠa soloogai GALA gaazu, gi ɠolo wo ʋɛ, ɓa gi ɠolo GALA bɛ? Wa ɓɔɠɔi à naama lukpɔɠaaleʋena!

²⁰Kɛlɛ gɔun, gi la zooga gi ʋa laaɠulu naa ma, nii gi kaai ta gi mɛnigai.»

²¹Ti naati maaluani ʋolu, ti ɓe ti ʋa. Ti la ɠɛni naati nimiza ʋele nɔpɛ kaani, mazɔlɔɔ nuɓusɛiti pɛ ti ɠɛni GALA dɛbizu, tɔɔzei laavɔɔ vai naa ʋa, nii é ɠɛɛni.

²²Mazɔlɔɔ zunui nii é ɠɛdɛni ga laavɔɔ ʋoogi, sɔlɔɔ konagi a la leʋe puunaanigɔ (40) ʋa.

²³Ti ti ʋilɛgai ma, Piyɛlɛ ta Zan ti liini ti-wɔɔlaiti pɔ bɛ, ti naama vaiti pɛ suɠula ti ma, niiti zalaɠa ɠula ɠundiɠiiti ta totuɠɔiti ti boni ti ma.

²⁴Siɛgi zu ti naama vaiti mɛnini da, ti pɛ ti zolooni faa ɠila ma, ti wooɠula GALA ma, ti ɠɛ ma: «Màliɠii, ɗa ɠa è geeɠɔlɔgi ta zooi ɓɛtɛa, naa ʋɛɛ kpoloɗɛi ʋa, ta ti zu aniiti pɛ,

²⁵ɗa nɔ ɠa è niima wooi ʋuuni ga ɗa-Yɛnvu Ɲadegai maaʋele, ɗa-wotiɠɛ nui gi-mɛmɛwola Davide laaʋɛ, é ɠɛ ma: ‹Leeni vaa zu zii ɠiligiti ti ɠɛɛni unga wuulee? Leeni vaa zu ziiti pɛ ti kisiɛ ɲakaiti boni?