Kɛɛwotiiti 25:1-6

¹Siɛgi zu Fɛsetuse folo saʋagɔi ɠɛni la zooi unda, é zeɠeni Seezalee, é lɛ Zeeluzalɛme.

²Zalaɠa ɠula ɠundiɠiiti ta Zuifuiti ta-nu wolaiti ti ʋaani pɔ, ti ɓaazaɠa ma ga Pɔle laalɔɠɔ.

³Ti gola maanɛɛnɛni ga naa ɠɛ ga faaɓɔɠɔ wola ti ʋɛ, é Pɔle leʋe ti ma Zeeluzalɛme. Ti yaavai zeini Pɔle luɠɔ ga ti paa pelei zu.

⁴Fɛsetuse ti wooɠaaʋoteni ga Pɔle ɠa kasoi ɠa Seezalee, naa ʋoluma tɔ ɓɔɠɔi toɠa ɠalesu ma fala.

⁵É ɠɛni ti ma: «Zɔiti ti ga nu ɓiingiti wo zaama, naati ti ʋilɛ pòlu, gi li, ni zunui nii faa ɠoloɠolo kɛɛʋɛ, ti maaɓaazaɠa la.»

⁶Fɛsetuse folo lɔsaʋa ɓa folo puugɔ nɔ ɠɛɛni ti ʋa Zeeluzalɛme, é yei ʋolu Seezalee. Poluma voloi, é zeini tukpɔɠaaleʋezuʋɛ, é devei ve ga ti ʋa ga Pɔle.