Kɛɛwotiiti 18:21-24

²¹Anɛɛ naa ʋe, seɠezuʋɛ ná, é ɠɛni ti ma: «Ni GALA ka vaana bu, nà dɛ ɠalesu ma wo ʋɔ bɛ.» É lɛɛni ɓatoi zu Efɛze.

²²É ɠulani ɓatoi zu Seezalee, é zeɠe miná é lɛ Zeeluzalɛme, é laali Egilisii zu nuiti ma, naa ʋoluma é yeini Antiyɔse.

²³É ku ɠɛai ma fele miná, é ɠaleni ma ʋolu, é ɗa leʋeteʋe Galate ta Filizi, é ɗa kaladopoiti iɲɔdɔ.

²⁴Zuifui ta ʋaani Efɛze, é ɠɛni ga Alɛgezandili nu, daaseigi ɠɛni ga Apɔlɔse. Zunui naa ɠɛni ga kpɔɛzuɠula nu wola, kalagai gola GALA sɛʋɛi zu.