Kɛɛwotiiti 18:10-16

¹⁰tɔɔzei nɔ̀un nà è ʋa, nu nɔpɛ ge la vɔɔɠua è ʋa, é ʋa faa ɲɔu ɠɛ ga ɗe, mazɔlɔɔ nà-nuɓusɛi wola mɔinʋɛ taai nii zu.»

¹¹Pɔle kɛɛni Kɔlɛnte ga kona gila ta tukpɛ (1,5), é ɗa nuiti kala ga GALA daawooi.

¹²Siɛgi zu Galiyɔn ɠɛni la ga Akayi masagi, Zuifuiti pɛ ti zolooni faa ɠila ma, ti wuzeɠe Pɔle laalɔɠɔma, ti liini la tukpɔɠaaleʋezuʋɛ,

¹³ti ɠɛ ma: «Zunui nii ɠa é nuiti tatisu, é GALA dɛbi ʋelei taɠili dɛɛzu ga nuiti, nii é la zolooni tɔgi ma.»

¹⁴Pɔle ɠɛnina ɠɛɛzu é ɓɔɛ, eyɛsu Galiyɔn kpɔɛi zeɠe, é ɠɛ ma: «Ee, Zuifuiti! É ga é ɠɛni ga telebotala va ɓa faa ɲɔu va, nà la woilo wo-woo ma, ʋelei maanɛai é ɠɛ la,

¹⁵kɛlɛ tɛi é ga maaɠaali nɔ, é ʋilɛ wooiti ta daaseigiti ba, naa ʋɛɛ wo ɓɔɠɔ lɔgiti ba, wa-vaa ɠana. Gè la pɔ ga gè ɠɛ ga naama lukpɔɠaaleʋe nu.»

¹⁶É ti ɓɛɛni, ti zeɠe tukpɔɠaaleʋezuʋɛ.