5Faliziɛinti saama, niiti ti ɠidaaleʋeni, naa tanigaa ti wuzeɠeni, ti ɠɛ ma: «Kɛni zii ɠiligiti ti lati pɛlɛʋolu, é ti leve ga ti ɠolo Moize ná-tɔgi ʋɛ.»
6Keelaiti ta totuɠɔiti ti ɠaalɛɛni ba, ti naama vai wuuʋɛtɛ ga pagɔ.
7Kpɔɛzuɠula wolai ɓegai ma, Piyɛlɛ wuzeɠeni, é ɠɛ ti ma: «Kɛ̀ɛleaiti, wo kwɛɛni ga kaite GALA ge yiimazeɠeni ga ze wo zaama, nii a kɛ gè Woo Niinɛ Ʋagɔi laazeeli zii ɠiligiti ma, ti ɠidaaleʋe.
8GALA nii é nu yiimaʋɛ ɠwɛɛ, naa ɓɔɠɔi ma zeele wooi woga ga é yeezeiɗa ti wu, tɔɔzei é Zɛnvu Ɲadegai vea tiya ga ade ɠɛʋele,
9é la zeeɠaaɠwɛɛzu ɠɛɛni ade yɔɠɔzu ada tiye, tɔɔzei é ti-yiimaʋɛti ɲadegɛ ga ta-ɠidaaleʋei maaʋele.