Kɔnti tife 24:7-19

⁷Ye mu ɲɔnma Isirayila ɲama yi ra, tunɛ goroma e xa sansie ma a fanyi ra. E xa mangɛ sɛnbɛ gbo Agaga bɛ, Isirayila xa mangɛya xili fanyi sɔtɔma nɛ.

⁸Ala naxa e ramini Misira bɔxi ma, e sɛnbɛ gbo alɔ sɛxɛ ninge. E e yaxuie xun nakanama nɛ, naxee e xɔri girama, e e faxama xalie ra.

⁹E e malabuma nɛ alɔ yɛtɛ, nde suusama e rakelide? Baraka xa lu mixi bɛ naxan na duba wo bɛ, danka xa lu mixi bɛ naxan na wo danka!»

¹⁰Na kui Balaki naxa xɔnɔ Balami ma a ɲaaxi ra. A naxa a fala, «N i xili nɛ i xa n yaxuie danka, kɔnɔ a sanya saxan nde nan yi ki, i na dubafe e bɛ!

¹¹Keli be keren na! Siga i xɔnyi! N nu bara laayidi tongo i bɛ wali sare xa fe ra, kɔnɔ Alatala mu tinxi i xa a sɔtɔ!»

¹²Balami naxa a yaabi, «N mu a fala i xa xɛɛrae bɛ,

¹³‹Hali Balaki a xa banxi nan nafe gbeti nun xɛɛma ra n bɛ, n mu nɔma sese rabade Alatala mu n yamari naxan na. Alatala naxan masenma n bɛ, n nɔma gbilende na fɔxɔ ra?›

¹⁴Awa, yakɔsi, n na gbilenfe n xɔnyi, kɔnɔ i xa a kolon yi ɲama naxan nabama wo ra.»

¹⁵Na tɛmui Balami naxa yi masenyi ti a bɛ: «Beyori xa di xɛmɛ Balami xa masenyi nan ya, naxan see igbɛma a fanyi ra,

¹⁶naxan Ala xui ramɛma, naxan Ala Xili Xungbe Kanyi xa laamatunyi toma, naxan fahaamui sɔtɔma Ala Xili Xungbe saabui ra.

¹⁷N fe toxi naxan fama rabade yare. N fe toxi naxan makuya yakɔsi ra. Tunbui nde fama tede kelife Yaxuba xa mixie ma. Mangɛ tɔnxuma nde fama kelide Isirayila ya ma. A Mowaba xun nakanama nɛ, a Seti xa die xa fe ɲɔnma nɛ.

¹⁸Edon xa fe goroma nɛ, Seyiri xa fe goroma nɛ, kɔnɔ Isirayila sɛnbɛ sɔtɔma nɛ.

¹⁹Mangɛ nde kelima Yaxuba xa mixie ya ma, naxan bekae sɔntɔma.»