Küylerning küyi 1:5-14

⁵«Ular séni durusluq bilen söyidu». — «Qara tenlik bolghinim bilen chirayliqmen, i Yérusalém qizliri! Berheq, Kédarliqlarning chédirliridek, Sulaymanning perdiliridek qarimen.

⁶Manga tikilip qarimanglar, Chünki qaridurmen, Chünki aptap méni köydürdi; Anamning oghulliri mendin renjigen; Shunga ular méni üzümzarlarni baqquchi qildi; Shunga öz üzümzarimni baqalmighanmen».

⁷«Hey, jénim söyginim, dégine, Padangni qeyerde baqisen? Uni kün qiyamida qeyerde aram alghuzisen? Hemrahliringning padiliri yénida chümperdilik ayallardek yürüshümning néme hajiti?»

⁸«I qiz-ayallar arisidiki eng güzili, eger sen buni bilmiseng, Padamning basqan izlirini bésip méngip, Padichining chédiri yénida öz oghlaqliringni ozuqlandurghin».

⁹«I söyümlüküm, men séni Pirewnning jeng harwilirigha qétilghan bir baytalgha oxshattim;

¹⁰Séning mengziliring tizilghan munchaqlar bilen, Boynung marjanlar bilen güzeldur.

¹¹Biz sanga kümüsh közler quyulghan, Altundin zibu-zinnetlerni yasap bérimiz».

¹²«Padishah toy dastixinida olturghinida, sumbul melhimim puraq chachidu;

¹³Méning söyümlüküm, u manga bir monek murmekkidur, U kökslirim arisida qonup qalidu;

¹⁴Méning söyümlüküm manga En-Gedidiki üzümzarlarda ösken bir ghunche xéne gülidektur».