Kölfel 92:9-15

⁹Ai Samol mi Lapalap, ellet ekewe chon oputom repwe rosola, nge ekewe chon föföringau meinisin repwe toropasfeil.

¹⁰En ka ngeniei pöchökül usun pöchökülen eman kow mi mwacho, ka epiti ngeniei lö mi fö.

¹¹Mesei ra küna usun än chon oputaei kuf, selingei ra rongorong usun feiengauen ekewe aramasangau mi ü ngeniei.

¹²Ekewe chon pwüng repwe aümanau usun ewe irä palm, repwe mämäritä usun efoch irä setar won Lepanon.

¹³Ra usun chök irä mi fotetiu lon imwen ewe Samol mi Lapalap, repwe aümanauatä me lon än ach we Kot we imwenfel.

¹⁴Ra chüen ua lon ar chinlap, ra uren pöchökül o wowoöch fansoun meinisin,

¹⁵pwe repwe arongafeili pwe ewe Samol mi Lapalap a wenechar. I ai achau, esap wor och pwüngingau a nom ren.