Kölfel 91:4-14

⁴epwe pwölü ngonuk pöün kewe pwe kopwe op fan. An allükülük epwe tümwünuk o epeti senuk feiengau.

⁵Kosap niueiti eniweniwen lepwin ika ekewe föün esefich mi äkkäs lerän lupwen maun,

⁶ika ewe mätter mi akanif lerochopwak, ika ewe samau mi akafeiengau leoloas.

⁷Engeröü repwe turula lepekum, nge engol ngeröü lepelifichum, nge en kosap feiengau.

⁸Kopwe chök nengeni ren mesom o küna usun än ekewe aramasangau angei liwiningau.

⁹Pokiten ka eäni ewe Samol mi Lapalap lenien op, ka pwal fili Ewe mi Unusen Tekia pwe om chon tümwün,

¹⁰iei mine esap wor och feiengau epwe toruk, esap pwal wor och riaföü epwe arap ngeni imwom.

¹¹Pun i epwe akünöü nöün chon läng kana pwe repwe tümwünuk, repwe emwenuk won ekewe al meinisin ia kopwe feila ie.

¹²Repwe pwisuk lepöür kana pwe pecheöm esap chepeti fau.

¹³Kopwe ipwetiu won laion me serepenit, kopwe purätiu fän pecheöm ekewe nienifön laion me ekewe serepenit mi poison.

¹⁴Ewe Samol mi Lapalap a apasa, “Pokiten a echeniei, ngang üpwe amanaua, üpwe tümwünü i, pun a silei itei.