Kölfel 88:6-16

⁶Ka aturueilong epin ewe peias, lon ewe leni mi rochopwak o alolol.

⁷Om lingeringer a chouitiei, üa pwölüla fan usun chök ai pwölüla fän no.

⁸Ka föri pwe chiechiei kewe ra likitieila. Ka föri pwe ngang och mettoch mi anioput me rer, üa mwöchülong lon fötek pwe üsap tongeni süla.

⁹Mesei ra toputopula ren ai riaföü. Iteiten rän üa kökköruk, ai Samol mi Lapalap, üa aitietä pei ngonuk lon ai iotek.

¹⁰Ifa usun, en ka föri manaman fän iten sotup? Ifa usun, ir repwe tongeni ütä o mwareituk?

¹¹Ifa usun, repwe apworausa om we tong ellet me lon peias, ika om allükülük me lon ewe leni mi ta?

¹²Ifa usun, ra silei usun om kewe manaman me lon lenien rochopwak, ika usun om kewe föförün pwüng me lon fanüen chokewe mi manlüküla?

¹³Nge ngang, ai Samol mi Lapalap, üa siö ngonuk, iteiten lesosor üa iotek ngonuk.

¹⁴Ai Samol mi Lapalap, pwota ka pöütieila, pwota ka aopa mesom seniei?

¹⁵Üa apwangapwang o kan ngeni mäla seni lesäräföi, üa riaföü ren om kewe eniweniw o apilükingau.

¹⁶Om lingeringer a pwölüeila, om kewe eniweniw ra afeiengauwaei.