Kölfel 80:5-18

⁵Ka amongöü ngenikem riaföü pwe enem mongö, ka pwal aünü ngenikem chönün mesem fän aükük watte.

⁶Ka föri pwe chon ekewe mwü mi nom aruum ra aninifengen won fanüem, nge chon oputakem ra takirin ämängauakem.

⁷Ai Kot mi Unusen Manaman, kopwe aliwinisefälikem, kopwe netiu wom fän om kirikiröch pwe aipwe küna manau.

⁸En ka uwato efoch irän wain seni Isip, ka asüela chon ekewe mwü o fotukätiu ewe irä lon fanüer.

⁹Ka limeti eu leni fän iten ewe irä pwe epwe tongeni märitä. A tötiu waran fän pwül lealolol, a pwal amasoua ewe fanü.

¹⁰Ekewe chuk ra pwölüla ren nürün, nge palan kewe ra usun chök palen ekewe irä setar mi fokun watte.

¹¹Palen ewe irän wain ra meresiwu tori ewe matau watte, nge fasaran kewe ra tori ewe chanpupu Oifrat.

¹²Pwota ka ataetiu tittin kewe, pwe meinisin mi pwerela won ewe al ra kini uan?

¹³Pik mi mwacho seni ewe wöllap ra tipwei ewe irä, nge ekewe manmwacho ra mongö seni.

¹⁴Ai Kot mi Unusen Manaman, kopwe kul ngenikem, kopwe netiu seni läng o nenengenikem. Kopwe ekieki ei irän wain.

¹⁵Kopwe tümwünü, pun en ewe ka püsin fotukätiu. Kopwe tümwünü palan we ka ämärätä o apöchöküla fän itom.

¹⁶Ra pöküetiu om we irän wain o kenala. Kopwe netiu wor fän om song o aroserela.

¹⁷Nge kopwe fokun tümwünü noum aramas ka filätä, ewe mwü ka fokun apöchöküla fän itom.

¹⁸Mürin, äm aisap fokun chüen kul senuk. Kopwe fang ngenikem manau, nge äm aipwe mwareituk.