Kölfel 78:67-72

⁶⁷Mürin, Kot a pöütala ekewe mwirimwirin Josef, esap filätä ewe ainangen Efraim.

⁶⁸Nge a filätä ewe ainangen Juta, pwal ewe chuk Sion a efich.

⁶⁹Ikenan a aüetä imwan mi pin o tekia usun tekian ekewe läng, a pwal anüküchara usun fanüfan pwe epwe nom tori feilfeilachök.

⁷⁰Kot a filätä nöün chon angang Tafit o angei i seni ekewe lenien sip.

⁷¹A emwenato Tafit seni an tümwünü ekewe pwiin sip pwe epwe chon masen nöün aramas, ekewe chon Israel.

⁷²Iwe, Tafit a tümwünüür ren wenecharen lelukan, a fokun angangöch lon an emweniir.