Kölfel 77:4-18

⁴A föri pwe üsap tongeni möür lepwin, üa nom lon weires pwe üsap tongeni kapas.

⁵Üa ekieki usun ekewe fansoun lom o chechemeni ekewe ier ra la.

⁶Üa ekiek lon lelukei lepwin, üa ekinlon o akais ngeniei,

⁷“Ifa usun, ewe Samol epwe pöütikichela tori feilfeilachök, nge esap ümöümöchsefäl ngenikich?

⁸Ifa usun, an we tong ellet a wesewesen müchüla? Ifa usun, an kewe pwon ra ükütiu fansoun meinisin?

⁹Ifa usun, Kot a manlükala an epwe kirikiröch? Ifa usun, an song a aükätiu an tong?”

¹⁰Mürin üa üra, “Iei ai weires, pwe manamanen Ewe mi Unusen Tekia esap chüen usun me lom.”

¹¹Ai Samol mi Lapalap, üpwe achemato om kewe föför. Ewer, üpwe chechemeni om kewe manaman ka föri me lom.

¹²Üpwe ekieki usun om kewe föför meinisin o ekiek won om kewe föför mi amwarar.

¹³Ai Kot, meinisin mine ka föri a pin. Esap wor eman kot a tekia seni en.

¹⁴En ewe Kot mi föri föför mi amwarar. Ka pwäri om manaman lein chon ekewe mwü.

¹⁵Ren om manaman ka angasa noum aramas, ir ekewe mwirimwirin Jakop me Josef.

¹⁶Ai Kot, lupwen ekewe koluk ra künok, ra niuokus, nge epin ewe matau a chechech.

¹⁷Ekewe kuchu ra ninätiu koluk, ekewe chopulap ra püng me läng. Om kewe inefi ra fila ekis meinisin.

¹⁸Püngün om chopulap a nom lon ewe ewiniär. Om kewe inefi ra asarama fanüfan. Fanüfan a chechech o mwöükük.