1Echö än Tafit köl, lupwen a nom lon ewe fanüapön Juta. Ai Kot, en ai Kot üa tiliken le küttok. Inisi a apwangapwangala ren ai posituk, nge ngüni a kakaituk usun eu fanü mi pwasapwas o pön, esap wor koluk lon.
2Üa mochen künok lon imwom mi pin pwe üpwe nengeni om manaman me om ling.
3Pun om tong ellet a mürina seni manau, ngang üpwe mwareituk.
4Iwe, üpwe kilisou ngonuk lon ränin manauei meinisin. Üpwe aitietä pei lon ai iotek ngonuk.
5Ngüni a mötüla usun üa mötüla ren mongö mi annö. Üpwe mwareituk fän pwapwa,
6üa chechemenuk, lupwen üa kon won ai peet o ekieki usum lepwin.
7Pun en ai soualilis, üa köl fän pwapwa me fän nürün poum.
8Üa fitipacheituk, pöüifichum a amwöchüeitä.
Kölfel 63
Kölfel 63:1-8